HTS Middelburg en Middelburg Hoërskool is gereed vir die ROOI- & GROENSTRYD!
Die jaarlikse hoogtepunt op die skoolsportkalender – die derby tussen HTS Middelburg en Middelburg Hoërskool, staan weer voor die deur, vanaf 12 tot 17 Mei 2025. Hierdie gebeurtenis beloof om ‘n opwindende vertoning van sportmanskap en passie te wees, waar twee van Mpumalanga se voorste skole mekaar in die sportarena ontmoet.

Die derby dien nie net as ‘n kompetisie nie, maar ook as ‘n viering van tradisie, gemeenskap en vasberadenheid. Dit is ‘n geleentheid vir leerders, onderwysers en ondersteuners om saam te kom en hul skool met trots te vertoon. Van rugby, hokkie, netbal, skiet, muurbal en skaak – elke wedstryd is gelaai met spanning en emosie.

HTS Middelburg se spanne berei hard voor vir die geleentheid en is vasbeslote om hul beste vertonings te lewer. Met die ondersteuning van die gemeenskap agter hulle, strewe hulle daarna om die beker weer na HTS Middelburg te bring.
Middelburg Hoërskool, wat ewe toegewyd is aan sukses, sal nie terugsit nie en sal alles gee om die eer van hul skool hoog te hou. Hierdie derby is ‘n platform vir die jeug om hul talente te wys en belangrike lewenslesse oor spanwerk, toewyding en respek vir teenstanders te leer.

Die wedstryde sal plaasvind op die sportvelde van HTS Middelburg, met die aftrap vir die eerste wedstryde om 08:00. Alle ondersteuners word genooi om die dag se gebeure by te woon en die spanne aan te moedig.

Vir meer inligting oor die derby en die wedstrydskedule, besoek asseblief die skool se amptelike facebook: www.facebook.com/rooibulle.

Derby 2025: HTS Middelburg vs Middelburg Hoërskool

Toegang en parkeerreëlings vir 17 Mei 2025:
Toegangsgeld: R50 per persoon.
Parkering:
Op HTS Middelburg skoolterrein: R100 per voertuig
NG Suid en hokkieveld: R50 per voertuig
Daar sal ʼn pendeldiens tussen die hokkieveld en skoolterrein wees.

Ingang:
Motors – Hoofhek (h/v Samora Machel- en Zuidstraat)
Voetgangers- Zuidstraat (by die B-veld)
Hoërskoolleerders in skooldrag en laerskoolleerders in Vrydagdrag, kry gratis toegang. Voorskoolkinders kom gratis in.
MPS Hokkieveld: Parkeer, betaal ingangsfooi en ry met pendeldiens.

Eregasparkering:
Slegs persone met eregasbandjies sal agter die hoofpawiljoen mag parkeer. Eregaste moet hul bandjies dra.
MHS skool (voetgangers) kom by die weshek in Zuidstraat, by die B-veld in vanaf 07:00 – 08:00.